【本報訊】距離下周特首選舉截止提名期僅餘數天，盛傳僅獲約20提名的葉劉淑儀昨仍未認輸，「我會努力到星期三5點前」，但她承認除非有「戲劇性變化」，方能「大步檻過」入閘參選，她亦不點名連環批評3名對手，指有人至今未有完整政綱、有人論壇表現欠佳、有人受歡迎但實情其承諾的根本做不到。
相比去年12月中在會展宣佈參選兼公佈政綱的聲勢，葉劉昨只在競選辦獨自一人公佈第三版政綱。兩個月過去，葉劉暫僅獲約20提名，與有數百提名的林鄭、逾百提名的曾俊華及近百的胡國興相距甚遠。
自信仍有機會
葉劉昨續不言敗，表明會戰至最後一刻，「我會努力到星期三5點前，如果係夠票我去報名，唔夠我咪宣佈唔夠票咯，無愧於心呀！」，並自信「仍然有機會入閘」。葉劉又稱若未能入閘，她亦不會釋放手上提名，「呢啲提名票唔存在所謂放出嚟嘅問題」，因為提名她的人都是認同她，並暗斥林鄭搶提名，「有啲人夠票入咗閘喇，點解要咁高（提名）呢？一個數目之嘛！」，又稱參選最重要是爭取人心，「一個成功政治家需要嘅係人心，所謂人心背向，唔係淨係高嘅提名」。
她更不忿有建制陣營批評她取得民主派選委提名是「魔鬼交易」，反駁「政治人物應同不同背景嘅人溝通，呢個係正確態度」。對於未能入閘會否支持其他參選人，葉劉即不點名批評其他參選人，有人「到𠵱家都未睇到咩政綱，得三點之嘛」、「另一位候選人我聽到啲論壇表現好差」、「另外一位候選人好受歡迎，但係我覺得佢應承人嘅嘢係做唔到」。
■記者呂浩然