《有樓萬事足》前晚播出第四集，除咗有Mean娜自爆同男友住工廈單位之外，呢集《有樓》仲有新金句。「80後樓神」吳龍飛靠出租劏房賺錢，自稱「良心業主」：「年青情侶同居想扑吓嘢，四千零蚊搞掂晒…住咁細嘅空間做人就會積極，就會儲多啲錢買大啲嘅屋。」
仲有個「買樓求槓桿」40歲任職金融公司老闆嘅阿Paul，佢係朋友口中「好仔」、「傑青」、「目標」；佢自稱03年沙士期間，以40萬現金入市，再靠「槓桿」令自己有財務自由。阿Paul仲喺節目入面話：「你唔買樓就XX蠢呀！」又話：「你真係唔買我都冇辦法㗎！咁你咪繼續交租囉，我哋做業主先有租收㗎！」
阿Paul又話自己受訪唔係要炫富，係想同其他人講要夠膽落注。喂阿哥，有樓有錢之餘，人格都好重要㗎。