「我同舊上司關係一向都好好，我辭職佢都有極力挽留，但係新公司出嘅條件真係好好，舊公司真係match唔到，所以結果我都係走咗。新工返咗幾個月，工作環境同事各方面都唔係咁理想，我知道我之前個位仲未請到人，所以搵咗舊上司同佢講想返去做。佢應承一定會盡力幫忙，但要問老闆同人事部。啱啱佢話畀我聽可以返去做，但係因為部門重組，個舊職位唔再存在，我要降grade由低做起。我問咗舊同事根本就冇重組件事發生，但係我喺呢度做得好唔開心，以前同舊同事一齊做嘢好開心，真係好想返去，應唔應該接受呢個offer呢？」
部門究竟有沒有重組明知你一問舊同事就知，舊上司要用這個作為理由要你由低做起，居心究竟何在？你不是還天真地以為他真心想要幫你回巢吧？
凡事總有兩面看，正面看，是舊上司不想回收你，但不想傷感情，為免令你難受用這個擺到明的大話做下台階，希望你知難而退。再講，舊上司亦要顧及你走出去打個轉輕易回頭的話，對公司人事管理的影響，還有其他同事的看法和感受。同事個個都知道你搵到好路數走，不降你職級的話，難免會引起誤會以為公司不公。
反面看，當日低聲下氣極力挽留你不果，今日輪到你有求於他想吃回頭草，還不趁機給點顏色你看？擺到明玩你奚落你，就是要你難堪難受，即使你肯屈就，我相信到時候他絕對有可能作個理由，改變決定唔請你。如果真的肯請你，就是放長雙眼睇你可以忍幾耐，我敢寫包單，你一定很快又要再搵工。
新公司各方面對你來說不理想，恐怕你的表現同樣不理想。食得鹹魚抵得渴，今次就當上一課。
張慧敏
http://www.facebook.com/HKcareerdoctor