【本報訊】日前因警方向未埋正站巴士抄牌，觸發巴士車長發動埋正站行動。職工盟屬下巴士職工會聯盟聯同多名立法會議員及區議員，昨促運輸署及警察改善巴士站規劃及加強執法，確保市民上落車安全，將約見有關當局開會表達訴求。
指有運魚車用卡板霸路
記者昨午再到銅鑼灣崇光百貨巴士站，無發現的士或私家車停泊到巴士站方框內；不過在數個街口之隔的灣仔天樂里，巴士站前不時有貨車並排停車落貨，有巴士未能泊正埋站。
負責駕駛E11線由天后開往機場的城巴職工會秘書林乃華指，軒尼詩道、天樂里等西行沿線，長期有車違泊，「每日都埋唔到站，有時要行埋電車線。」九巴員工協會副理事長郭偉光亦指出，不少貨車會緊貼巴士站卸貨，如荃灣楊屋道巴士站，每日都有運魚車阻塞，「就算架車走咗，佢都會放低卡板呀桶呀咁，係路霸嘅行為」。
巴職聯副主席許漢傑表示，車長埋站上落客是法例及公司的要求，但為方便乘客過去亦只好違法。他指10多年一直有向運輸署反映違泊問題，但每次都要在車長投訴後才有警員到場執法，過幾天違泊又故態復萌。工會要求運輸署改善設計，包括將巴士站前後劃作禁區不可停車、在巴士站裝設監視鏡頭拍下違泊車輛、將整個避車處凹位都劃為巴士站範圍，同時要求警方在違泊黑點加強打擊，會再約有關部門開會。如未能回應訴求，工會將研究下一步行動。
立法會交通事務委員會副主席郭家麒表示，警方向未能埋站的車長抄牌，是將違泊問題轉向受害者。他指會在短期內將問題提上立會討論，要求運輸署及警方向市民交代。
■記者佘錦洪