江美儀之前憑黑絲闖出名氣，更被封「黑絲儀」，不過外界盛傳45歲江美儀一向愛挑機，之前做舞台劇《嬉春酒店》又對監製無禮，重演冇佢份，拍《親親我好媽》又篤走珍姐愛將關永忠，但係最近播大台劇《親》嘅「嚴查向善」做熱血媽咪，唔少網民覺得好pure、好charm，竟爆冷再次入屋，不過感情事似乎佢就唔係太順。
昨日有周刊指佢同男友吳君祥二人近年聚少離多，吳君祥現長期北京，以前二人一直好似「老夫老妻」，往事佢哋不時晒恩愛，閒時都黐住一齊去旅行，今年情人節都只係見佢收契爺送嘅花，農曆年自己一個去西班牙玩，江美儀近日都話男友上咗北京開製作公司成一年幾，由以前同居到現時一年見得四五次，近年篤佛教嘅江美儀，仲講明有心理準備男友可能發展新戀情，如果對方喺北京有新女友，都會祝福，覺得對方搵另一個，證明大家有問題，對感情睇得幾淡。