意甲祖雲達斯喺周三歐聯16強首回合，作客2:0擊敗葡超嘅波圖，晉級機會高唱入雲。不過呢場波嘅焦點唔係入球，而係兩大門神──祖記嘅保方同埋波圖嘅卡斯拿斯交鋒。波圖喺呢場波發揮麻麻，全場射門零中框，令保方相當清閒，反觀「聖卡斯」嗰邊就風聲鶴唳；賽後35歲嘅卡斯拿斯同39歲嘅保方相擁交換波衫嘅一幕，相信令唔少球迷動容。