達明一派下個月就開演唱會《達明卅一派對》喇！不過呢隊殿堂級組合竟然令各大品牌紛紛卻步，連一個贊助商都搵唔到。點解會咁？你懂的。 雖然佢哋冇大水喉射住，但係我哋就搵到好多香港市民以及群星，齊齊高呼：我撐達明！
記者：余傲芝、馮國康 攝影：馮峰
林嘉欣：我撐達明，因為無論佢哋喺音樂、創作、藝術、造型，定係作為一個人，都係非常廣闊嘅 黃貫中：我撐達明，由細玩到大，如果連我都唔支持他們，都唔係人啦
太極：我撐達明，因為我哋一起長大的回憶是不會磨滅的、明哥阿達哥，兩個都咁犀利！
劉先生：我撐達明，佢哋雖然算係上一輩，但音樂都好前衛。同埋劉以達唔講嘢，淨彈結他嘅時候都幾有型。
徐先生：我撐達明，因為佢哋啲歌好好聽，有意境，依家嘅歌冇㗎啦
莊小姐：我撐達明，因為佢哋好敢講自己心中嘅話
胡小姐：我撐達明，因為佢哋勇敢，唔怕一啲勢力！睇下你有咩原則，如果堅持，應該都有人撐嘅
梁先生： 我撐達明，因為想睇盧海鵬做嘉賓，扮多一次石頭記！我sponsor啦，我買飛睇演唱會啦
Franco：我撐達明，因為我認為每一位都有言論自由，呢樣係好重要嘅公民權利
江先生：我撐達明 因為堅持玩音樂就是型