周日（26日）的田草十場賽事皆用B跑道。睇番上季香港金盃賽日亦都係用B欄，賽果也具參考性，當日後追馬連場上名。
其中「勝風」、「威爾頓」、「幸運名駒」及「萬馬飛騰」更加從中後位置衝上反勝對手贏馬，所以不宜過份側重前置馬，靠後勁食糊嘅馬反而更加優先留意。
今戰列陣馬中，角逐第三場1400米一級賽女皇銀禧紀念盃的「喜蓮獎星」之前兩戰田草B欄全勝，包括上仗贏出1600米董事盃。適逢其會再戰B欄，有力與澳洲好手貝湯美攜手再下一城，兼為大摩增添一項大賽勝利。
另外，出爭第二場五班1400米的「正藍旗」乃全場唯一贏過B欄之參戰馬，憑藉較佳場地性能，加上復配贏馬拍檔韋達，此駒有機會替霍利時馬房重開勝門。