提起政壇壞孩子，大家會諗起邊個？或者成日唔聽西環支笛嘅自由黨榮譽主席田北俊都係大家嘅心水。
原來田少日前入咗中大演講，題目係「政壇壞孩子是如何煉成的？」，而田少近年成功之處係佢嘅facebook做得好出色，所以當日佢拍住其中一位田毛毛李梓敬，分享點樣用大數據打選戰。
一如所料反應好熱烈，百幾位學生捧場，田少事後喺fb貼咗張大合照並留言：「點解D學生咁想知我點睇林鄭個facebook？」據知佢席間有提到fb係好人性化嘅平台，林鄭個fb叫「辦公室」已經唔多妥。田毛毛就話林鄭老公封情書效果好差，冇理由談情會講到一國兩制㗎嘛！
話同薯片唔多熟
據知薯粉田少亦提到，同曾俊華其實唔多熟，至少唔似同唐唐咁會約埋去睇戲，撐曾係因為對方寬容啲，同民主派有偈傾喎。