【拆局】
繼人大委員長張德江、中聯辦主任張曉明挺林鄭月娥打曾俊華後，有報道指身為政協副主席的董建華也放話批曾。有政界中人稱，抹黑曾俊華行動不斷升級，顯示左派原想令曾無法入閘的計劃未能成功，故利用外界覺得董是國家主席習近平親信的觀感，「令人覺得習係支持林鄭」，他更聽聞一待曾入閘，會有新一波抹黑行動。
與美智庫來往變黑材料
有政界中人指，不論是張德江還是張曉明言論，他們的說話只有一個重點，「就係習近平係支持林鄭，冇支持曾俊華」，但兩人均不敢公然說習挺林鄭，「如果習真係未決定，咁講等於假傳聖旨」，所以挺林鄭陣營一定要找一個既有份量、又支持林鄭、政商界又視為習親信的人放話，「咁樣先可以令人相信」，而董正是合適人選，「佢有份說（服）林鄭選、又係國家領導、最重要係有傳當年習要求董陪佢訪美，被視為習親信，由佢出口可信性高好多」。
他又聽聞待曾入閘，就會有人發放曾的黑材料，聽聞所謂「黑材料」，「來來去咪話佢親美、同美國智庫有來往，但作為財政司司長，同美國智庫有來往有乜出奇，董建華夠有！」
■記者莫劍弦