盡人事，聽天命。
和金燕玲做訪問，很有「人在做，天在看」的味道。20歲出頭結婚，然後再婚再離，人到50歲才重新開始，金燕玲一步一步走過12年，好彩在失落時有人照顧，更好彩努力演戲，「喺角落有人睇到」，成為史上香港電影金像獎最佳女配角最多次提名、最多得獎的紀錄保持者，花了半世時間才肯定自己識做戲，「所以我𠵱家好安樂去做我嘅配角！」
採訪：林妙萍
造型：趙潔恆
攝影：郭賢興
髮型：Eric Tse@Headquarters
化妝：Florey@FloreyLeungmakeup
服裝：Couturissimo
耳環：Dolce & Gabbana
訪問的前設主題是「女配天后」，金燕玲做了半生配角，如今發光發亮，成為自己人生的主角，她聽完哈哈笑，「我嘅女配命呢，就同我嘅人生冇乜關係。」
史上最強女配角
62歲的金燕玲，2005年離婚後才由英國回流香港，早在1987年《地下情》就得到首個金像獎最佳女配角，回港這十多年，多次得到金像獎、金馬獎的最佳女配角，成為港台史上最強女配。「以前會諗，呀，係咪自己運氣冇人哋咁好呢？冇人搵我做主角嘅？𠵱家，唔係話唔恨做女主角，唔係冇野心，係冇刻意去諗，嚟就嚟，唔嚟我咪開心做自己嘢。」
能夠安於做配角，全因這些獎項真真實實地肯定了她的能力和努力，「好似小朋友返學咁，你派成績表時，老師話：『呀，你前三名呀』，咁樣囉！」老生常談的做人要有夢想，她以自己人生印證，「做人真係唔好放棄，要有夢想，只要係努力做好自己嘅嘢，梗有一個角落會有人睇到。」
五十歲後的好運
要努力，也信命運。
二十出頭，金燕玲與采蝶軒老闆梁廷斌結婚移居英國，幾年後離婚回港；1989年再婚、生女並再定居英國。「第一次離婚係27歲，第二次我係50歲。婚姻失敗呢，第一次係自己太後生，第二次結婚係我大咗肚，想生，後來係好老套嗰種，老公有外遇。」
50歲一無所有回港，矇查查幸運地遇上現在的一位同性好友蘇施黃，不講出口，卻在心中感動，「我好彩，有人照顧，真係覺得我行運，有人take care同冇，係好唔同。」
今屆金像獎獲多項提名的《一念無明》，前後拍了16天，講述鬱躁症的余文樂，因照顧病重媽媽金燕玲而跌入人生谷底，故事非常真實而沉重，充滿無奈、打困籠的無力感。金燕玲指接拍之初，她亦怕電影太沉重，傷害觀眾，「我同導演溝通完先拍，基本上呢部戲係幾sad 。」
金燕玲只拍了一日戲，卻換來金馬獎最佳女配角殊榮，亦再次衝擊金像獎女配，「金馬真係冇諗過，連提名都冇諗過，拍完之後，都忘記咗，阿蘇仲問我，完全冇聽你提過呢部戲，我都諗，吓，突然間咁多嘢，幾得意，係咪真係有運氣會嚟呢？」
貪靚無分年齡
金燕玲自認貪靚，拍片可以任舞，但日常出街堅拒素顏，「我唔會唔化妝出街，一定四四正正，我好快手，起床到出門口，一個鐘頭一定得。」以往一周五次拉丁舞keep fit ，現在容許自己有少許富泰肥，「年紀大，太瘦好削，肥少少精神些。」做人慢慢放下執着，更大快樂來自女兒，「我個女好乖，就嚟27歲，我哋關係好close ，不過我惡死，一句唔啱就會車埋去，但我心裏係愛佢嘅。」女兒一回港，她就會為女兒炮製燒春雞、家常小菜等。
更多精采時尚內容，盡在 http://add.appledaily.com 。