當早前Samsung在首爾正式公佈Galaxy Note 7爆炸的原因來自電池後，大家都以為Note 7事件已經告一段落，點知最新消息指Samsung有計劃重推Note 7。根據ZDNet引述韓國媒體Hankyung所講，原本賣唔出的Note 7會由原本3,500mAh電池換上較低容量的3,000mAh-3,200mAh電池，改頭換面變成翻新機賣到印度、越南及其他新興國家，最快6月就會成事，甚至有傳部份翻新Note 7可能會在Note 8推出前在韓國售賣。有指Samsung仍然唔肯放棄Note 7的原因，在於重新推出可避免因棄置二百多萬部從市場回收後的Note 7而可能被環境部門逼令繳交的巨額罰款，亦可令生產Note 7的損失降低。當然Note 7要再在歐美亞洲大型市場立足都幾困難，但若翻新後以平價賣到新興市場，都未嘗唔係一條出路，但首要都係要確保到手機安全先好推出，若然再爆的話，只會進一步推低市場對品牌的信心。
資料來源：ZDNet
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily