新一屆樂活博覽今日喺灣仔會展舉行，因應港人越嚟越愛綠色生活，今次展覽有200個來自中港台、日韓、歐美參展商，展出逾4,000種天然、有機食品和用品、綠色生活家居產品、素食食材等。
其中較特別嘅，係嚟自新西蘭零污染大巴里爾島嘅毛利族「山草藥」首次攻港，包括首個獲新西蘭政府藥用品認證嘅卡蘆卡蜂蜜新登場；本地薑亦不遑多讓，由港人研發生產、「長跑夫婦」姚潔貞用嚟看門口嘅植物多酚微分子護膚系列亦舉行首展。
台灣多個休閒農場亦會參展，市民更可憑入場門票以震撼價750蚊購買台北來回機票，仲有機會贏取長榮航空雙人來回台北機票。但展覽星期六（25日）先至開放畀公眾人士，每位入場費10蚊，3歲以下小童及65歲或以上持有長者卡之長者可免費入場。