創仔新股駿傑（8188）上市半日被證監會勒令停牌，可算是前無古人，那位41歲型仔主席莊峻岳敲鑼時，肯定不會料到證監會有此一着。
聽講，近月證監會勤力好多，特別喜歡閱覽全配售創仔新股的承配人名單（Placee list），會由頭讀到尾，由尾讀返上頭。市場就傳聞，證監會發現今年初一隻創仔新股，許多承配人報上相同地址，而且個別有犯罪紀錄，該隻新股已經成功上市，亦由幾毫爆升至幾蚊。
市場人士估計，證監會是因為這隻新股的圍飛情況嚴重，決心出手，至今已有3隻創仔新股要延遲上市。所謂你有張良計，我有過牆梯，投行賓架當然扭盡六壬，增加投資者數目，將股票分散，務求試到證監會的底線，有莊家朋友直言「來來去去都係嗰一、二百人，咪睇點樣分，分到證監滿意囉」。
經營小肥牛火鍋店的國茂控股（8428）便成功過關，但該股股價非常克制，昨日收市只是0.24元，輕微潛水，市值不足3億元，相比那些一掛牌就爆升至幾十億市值的創仔，在監管機構角度算是守規矩。
照推斷，證監會今次勒令駿傑停牌，不應該跟Placee list有關，要停，應該一早有發現便叫停。且等證監會分解吧，反正尋常散戶無份。
高淑嫻
https://www.facebook.com/koc9nine