巴甲球隊查比高恩斯喺上年飛去哥倫比亞備戰南球盃決賽時不幸遇上空難，全隊19人罹難，只得三位球員獲救，當中24歲嘅後備門將福爾曼（右）要截肢先保得住條命。不過，福爾曼冇因為自己少咗隻右腳而意志消沉，佢裝上義肢後好積極咁做復健，仲話希望轉踢傷殘足球隊，延續自己嘅足球夢。除此之外，福爾曼仲話自己想同女友比高絲姬盡快結婚㖭。