【專訪】
「坦白講，呢幾年失禮剩到啲錢啦，做咗之後（創立添好運）。」平民米芝蓮食肆添好運點心專門店，近年越做越大，業務已衝出香港。兩位老闆之一的麥桂培，更由一名點心師傅，搖身成為香港「米芝蓮樓神」。
投資收租 續居深水埗舊樓
培哥接受訪問時被問到現手持多少個物業，「叫做多啦」，手持6個物業，目前市值近4,000萬元。除了一個自住單位，其餘5個單位全部在2009年成立添好運後購入，全作長線收租。
在未成立添好運前，培哥只有一個於2004年以126.9萬元買入的深水埗舊樓自住物業。但在創立添好運後，培哥財富滾滾來，並將所賺到的錢用來買磚頭投資，化身「米芝蓮樓神」﹔於2011年至2015年短短四年內，動用近2,800萬元買入5個物業收租，最平是御匯，2011年買入價263.2萬元；之後再買入海峰、昇悅居及泓景臺；前年再以512.6萬元買入青薈一個338方呎單位。其中昇悅居及泓景臺兩個單位樓價共1,315萬元，培哥更是現金「full pay」，毋須銀行按揭。
對於投資心得，他認為買樓比買股票安全及方便。例如有100萬元，股票可能買20萬或30萬元便算，但買樓具槓桿效應，100萬買到500萬樓，「大家一齊升，股又升樓又升，起碼樓賭大啲，我係咁諗」。
他又直言自己對樓市「烏瀡瀡」，「只知投資買樓，唔會渣都冇，最多可能買貴咗，或者回報不合理，但買股票分分鐘可能得返兩、三成。」他又形容，買樓乾手淨腳，如果日後有錢，都會繼續買樓。
培哥講過，「真係好鍾意深水埗，自己鍾意食，深水埗搵食天下第一，就算畀個半山我住都唔開心，想落街食碗雲吞麵都要換衫，現時踢拖就得。」因此，培哥與太太、兩名兒子及母親，一家5口仍居於深水埗舊樓不足500呎兩房單位。
記者：朱連峰 程俊華
