曾蔭權案，給幾個特首候選人什麼啟示？
a，萬萬不能跟大孖沙黐得太埋，上遊艇食雞粥、坐私人飛機住酒店總統套房這些，留俾自己一家人，自己埋單，永無閃失。（為林鄭站台的闊佬隨時令她步向曾公結局。莊曾無建制肯埋身，連超人都話怕得罪人唔會提名，做曾蔭權2.0的機率好低。胡官葉劉全無這方面憂慮，贏晒。長毛？白過白紙！最勁！）
b，退休前睇定樓，香港仔女，以曾公為鑑，唔使交租都唔敢住大陸豪宅。（五個候選人中只得林鄭無樓在手，老公和仔長居北京霾城，萬一什麼中山首富或者東莞土豪招攬，上帝個留位out咗後林鄭會論論盡盡落疊嗎？噢，長毛的公屋，比天堂更貼地。淨勝！）
c，有朋友係好，但朋友個朋友未必係好朋友。（林鄭好打得滯冇朋友，唔會被損友陀累，跟葉劉叮噹馬頭贏晒三個男人。）
d，求情信對判刑作用有限。（現實是，只有習帝的大特赦才真有用！張小明墨寶？廢嘅。老董抱抱？更廢。祝你落實一國兩制做貢獻的情信？廢中之廢！）