恒生銀行（011）一姐李慧敏同執行董事馮孝忠開完業績會後，一個笑笑口，一個頴晒頭，不過兩位嘅表情明顯都係幾輕鬆嘅。咁都啱嘅，睇番恒生最新年報，雖然恒生舊年除稅前溢利（扣除前年出售興業銀行股權收益）少賺4%，但一姐同馮孝忠嘅年薪都只係照減少少，李慧敏主要因股份花紅少咗，總年薪減4.6%，但都有2,072萬元。馮孝忠就袋815萬元，減3%。至於舊年從新地（016）回巢嘅陳國威，市場盛傳佢將來有機會接替李慧敏升做行政總裁，佢舊年十個月就袋走1,064萬元。