煲呔單案，建制派立法會議員中，至少有經民聯林健鋒同埋曾經屬曾班子嘅民建聯陳克勤寫求情信。對求情信不欲多談嘅陳克勤，講起太陽能就滔滔不絕，原來佢最近去過蕪湖市繁昌，發現當地市政府積極推動太陽能，而且太陽能電場唔只建喺山丘上，亦可浮建喺湖泊或水塘之上。
例如佢曾經到訪一個約1,500畝嘅太陽能板，供應多達兩萬個家庭嘅全年的用電量；特別之處係太陽能板既可追蹤太陽方向，增加發電效率，板下亦可種嘢或養小龍蝦、養鴨等，唔會浪費土地資源，佢話當地用太陽能發電，只需幾毫子一度電，成本比以前大幅下降。
此行令佢感受政府經常嘆慢板，因為梁班子最近先話喺水塘等地方加裝太陽能板作試驗，「人哋已經正式投產，香港𠵱家先嚟搞試點，真係慢咗人哋九十幾拍。」