退休法官胡國興宣佈參選後人氣急升，成為網民新一代爆like嘅政界中人。佢近日又喺facebook出po，暗諷推動佢參選嘅梁振英。
佢上載一份聲稱係小學生嘅數學試卷，其中一題問：「若c是y的1/689，則y是c的幾倍？」胡官話有小五學生攞試卷考佢，話做到呢條題目時全班哄堂大笑，「到了小息，同學仔興致勃勃地品評特首參選人。答案係乜，請你自己計。不過，我好想畀個Like出題目的老師。佢能夠把時事觸覺和幽默感融入試題，同時提高同學對數學和時事的興趣。要讚呀！」
唔少網民質疑試卷係改圖，但都無礙大家剝花生興致，唔少人趁機寸爆梁特收UGL 5千萬事件，意有所指話答案係「5千萬倍」，另有網民話答案係「689」喎。