係咪名牌一定好？未必，唔少藝人都鍾意拎舊衫去改，甚至到古著舖尋寶，唔會同人撞衫之餘，又能打造個人風格。
林子祥
唔少人都知阿Lam鍾意改衫，從來唔用衣車，而係一針一線手工製造。阿Lam曾透露最鍾意行舊衫舖、Vintage舖、或外國嘅second-hand shop，甚至女裝衫都會照改，佢話﹕「因為cutting啱我多啲，改完着出嚟又冇人覺得係女裝。」
翁靜晶
翁靜晶曾學習設計及縫製旗袍，前年翻開衣櫃，發現兩件由翁媽媽20年前送贈嘅舊衣，至今已經有超過50年?史。翁靜晶視為珍寶，佢係fb留言﹕「細心看看，古董衣服手工甚細，質料也好。對於討厭逛街購物的我，穿媽媽的舊衫最合身不過。」
蘇永康
蘇永康係出名嘅購物狂，勁鍾意買名牌靚衫，但有時為咗唔同人撞都會花啲心思。好似去年蘇永康為「顧嘉煇演唱會」做嘉賓時着嘅外套，據聞係Chanel女裝款，佢就搵咗位於銅鑼灣嘅「魔術手」改衫玲姐幫手，將女裝改成男裝，展示個人風格。
鍾嘉欣
人妻鍾嘉欣向來都係慳妹，佢曾經係訪問中透露會幫手改造登台衫，佢話因為唔想浪費，有時會係啲衫上加釘珠片或水晶，甚至加個衫袖，就可以變成另一件衫，真係慳家又環保。