唔少大企業都鍾意冠名贊助大型活動，星展銀行（DBS）可能見馬拉松、維港渡海泳等等都俾大公司捷足先登，索性自己搞一場「碌篋」比賽，襯番香港人鍾意碌卡儲飛行里數去旅行嘅嗜好。呢個「DBS一碌iGO」碌篋挑戰賽，3月4日至5日喺銅鑼灣世貿中心舉行，參加者要騎喺特製行李篋上，限時碌過賽道，每日最快完成賽事嘅40人，可以贏到包括雙人來回歐洲機票等獎品。就算贏唔到，都可能見到男神古天樂齊齊玩。今日開始到3月1號可以去DBS Black Card嘅facebook專頁報名。