七警於佔領期間，因襲擊曾健超而被判囚兩年，估唔到做咗百億人妻嘅熊黛林(Lynn)都好關心呢件事，喺微博見到向太陳嵐留言力撐七警嘅時候，佢都留言質疑：「只有壞人打警察，警察不能打壞人？！什麼世道？！」有網民讚佢係真女神，覺得佢嘅表現好愛國。咁除咗Lynn愛國情深，來好多藝人都不時喺網上發表愛國宣言。
鍾鎮濤
阿B前年喺電視上睇到中共大閱兵，佢喺微博寫道：「在電視機前看閱兵，國歌唱一半就哽咽了，熱淚盈眶唱不下去～ 祖國萬歲！」實在令人動容。之但係，阿B就冇送囡囡鍾嘉晴返祖國讀書，反而送咗佢去台灣讀喎，呢點又真係唔多理解喇！
梁烈唯
唯唯喺香港就做咗負皮王，但係為咗老婆同囡囡，去年就係微博留言連出兩個post?撈！話成個8月好得閒，叫人幫手介紹job俾佢。咁佢話晒曾經喺微博貼過「祖國萬歲」嘅相，即刻得到「共青團中央」嘅垂青，跟手就接咗唔少大陸騷喇！
王祖藍
喺大陸開咗工作室嘅祖藍，不時同老婆李亞藍孖住返大陸賺人仔，真係賺到盆滿砵滿呀，無論國慶、回歸、南海仲裁，佢哋都會好自發性喺網上留言，感謝同支持祖國。
溫兆倫
溫兆倫自從返咗大陸發展後，就由演員變咗「愛國英雄」，做咗「愛國溫」，14年，佢接受大陸《環球時報》訪問時，就公開批評杜汶澤，話其實可以寬恕佢一次，畀啲正能量佢，不過如果佢「死性不改」的話，就要受到「一定的懲罰」咁話喎。