周三（22日）晚谷草賽事用最狹窄之C加3跑道，睇番最近1月25日同一移欄賽事，該晚四場1000及1200米的短途賽事均由前置馬勝出，反而另外五場一哩或以上中長途賽事，頭馬「荷蘭風車」、「大情人」、「綽綽有餘」、「爪皇烈焰」及「萬馬飛騰」全部於早前留守內叠中後位置留力，入直路憑後勁衝贏對手，似乎「短放長追」乃致勝攻略。
今戰列陣馬中，出戰第二場四班1650米的「越駿寶」，今季正是於谷C加3欄贏馬開齋，亦係全場唯一贏過此移欄之參戰馬，憑較佳場地性能可贏第二勝。
另外，角逐頭場五班1650米的「事必獲利」，役內三次跑谷C加3欄均上名，上仗被迫擺前走，敗不足據，結合估計場地形勢，用回後追跑法有力爭勝。