一場選戰，見盡人情冷暖。又係嘅，西瓜靠大邊，唔少人都會突然變「俊傑」，政圈內卻有對親兄弟獲建制選委大讚忠肝義膽。
叙福樓集團執行董事兼飲食界選委黃傑龍（Simon，圖）噚日有感而發，喺facebook留言訴心聲，估唔到呢位男子漢，突然咁鬼感性。佢發帖指，「識朋友，識到田氏兩兄弟呢類，才有意思。兩個明知戰友大勢已去（最少機會不大），也不離不棄，企在最前，真正忠肝義膽，我真心敬重。」
心水清嘅讀者一睇就知，Simon所講嘅田氏兄弟係田北俊同田北辰，前者唔聽西環支笛堅持提名薯片叔，後者因為新民黨關係一直支持主席葉劉淑儀入閘；雖則支持嘅人唔係大熱，田氏兄弟卻未有看風駛隽，唔少網民亦喺Simon嘅po畀like。