張敬軒同王菀之嘅演唱會前晚終於完滿落幕，不過昨日高登瓊姐喺fb專頁突然開post話軒仔喺演唱會中宣佈完成今次演唱會後會暫別樂壇「去讀書」！不過等等先睇番前日尾場表演，加埋完騷嘅後台訪問都冇講過嘅？
原來軒仔喺17號嗰場演唱會中真係有講過話暫別樂壇，搞到唔少fans都唔開心，仲有網民估因為早前被《我是歌手》踢出局事件搞到意興闌珊！
不過大家唔使驚住！《蘋果》搵嚟軒仔經理人公司英皇回應，表示：「之前台上提過有計劃，但未作詳細安排，如果落實會進修音樂。」哦！即係得個講字啦！唔怪得知軒仔喺訪問中提都冇提過啦！虛驚一場啫！