【本報訊】湯文亮年屆65歲，直言從未「認真打過一份工」，讀完書後當家姐副手，轉眼40載。
他指，當年公司只有家姐（廖太）同兩個夥計，自己25、6歲在加拿大畢業後獲一間小公司聘請做會計。廖太着湯文亮回港幫手，「自己白紙一張，冇經驗」，考慮一輪後就決定回港幫家姐。
廖太多年來都是紀惠話事人，湯文亮只是負責「傾刁」及為買賣簽名。「公司由財仔轉做收租公司，由廖太決定；買邊啲物業，由廖太拍板。只係所有買賣合約由我簽，但差唔多每件物業都有落我名」。由於每單買賣幾乎都由他經手，對紀惠持有物業暸如指掌，「有6支全幢物業、30萬呎甲級寫字樓，100個舖位同近70個豪宅單位」。目前月租收入逾4,000萬元，物業市值近400億元」
湯文亮指「屋企四兄弟姊妹，廖太排第二，但一直都係做話事角色」。他現時在地產界的人脈、在紀惠的角色，一切都是廖太帶挈，「唔係姊弟關係係做唔到」。