【本報訊】長和系主席李嘉誠於上屆特首選舉提名唐英年，並力挺唐至最後一刻，惟今屆決定不再提名任何人參選。被問到是否怕今次「落錯注」，李嘉誠就自爆上屆選舉，在投票前兩星期已知道唐英年會敗選，「上次兩個禮拜前我已經知道唐生選唔到，但我依然投佢，我有個原則，我老早應承咗，結果中途變卦，所以我今次堅定唔提名。」
由始至終挺唐
至於上屆為何會提名，李嘉誠則稱「上屆喺兩個人（參選），而我老早話提名唐生（唐英年），後尾先至梁生（梁振英）出嚟」。2012年特首選舉，前任政務司司長唐英年當時獲長和、新地、新世界、恒地四大地產商提名參選特首，其後爆出「唐宮」醜聞，唐英年民望急跌，造就梁振英的高民望，時任國務院總理溫家寶更於記者會上表示要選高民望的人做特首。地產商其後紛紛「轉軚」，包括當時仍是新地非執行董事的郭炳湘，而新世界主席鄭家純更由原本提名唐入閘，變成為梁振英站台。而李嘉誠與其長子李澤鉅，則由頭到尾都堅持「挺唐」，最終唐由原本獲390人提名，到選舉只得285票落敗。
■記者梁偉聰