【專 訪】
擁70年歷史的本港老牌金屬企業利記（637），現由創辦人第四代長孫女陳婉珊執掌，她回首當年接棒也曾感心灰意冷，如今她體會到兩代交接難免有爭拗，若下一代無意接棒，勉強加入「根本做唔到，返工好似行屍走肉」。
利記初創時，只有油麻地新填地街一家五金舖，傳至現任主席陳伯中已是第三代，陳婉珊為家中長女，1995年大學畢業後順理成章加入利記。回想剛回公司時「頭5年真係冇passion（熱情）……完全覺得公司唔關我事，冇歸屬感，只係幫爸爸延續希望」，若不是2011年她主理與外資夥伴合資設廠，感受到一手一腳建立業務，她可能會另謀出路。
她笑稱「爸爸最幫得我手，就係冇幫過我手」，父輩要求她從低做起，太子女要學習運送各種金屬時的紮作方法，以免途中左右搖擺致戳穿貨櫃，亦要面對拖欠貨款的客戶白眼，「你嚟收數，成日話老闆唔喺公司，後來先知道根本老闆就坐喺裏面。」
「冇熱誠好似行屍走肉」
她亦承認有灰心，「成日問幾時先可以離開貨倉？唔使再收數？」直至二弟、三妹加入公司，這位大姊稍改訓練方法，讓兩人在各部門有限期地學習，讓他們「感覺有將來」。
她體諒父親寡言，以行動教她營商。利記從70年前初創時只做金屬買賣，到她手上主理上市、自設金屬化驗所、商品期貨經紀服務，上一輩難免擔心，陳婉珊亦認同爭拗難避免，試行新猷的同時，她着意向父輩詳加解釋，減輕疑慮。陳慨嘆「好多嘢估計唔到」，有外來成員加入家庭會帶來不一樣的想法，最關鍵是家庭能否維繫本身的核心價值和保持溝通。
即使長輩渴望子女繼承業務，「如果佢唔鍾意，畀佢都冇用；冇熱誠根本做唔到，返工好似行屍走肉。」家族企業應善用外聘專才，補足盲點，避免令員工感覺高位全由「皇親國戚」霸佔，對前景失望。
記者：黃翹恩