七警案於本周二宣判，裁定各被告襲擊致造成身體傷害罪成。7名被告在庭上均以佔領期間工作壓力大，以及案件毀事業和家庭作求情理由，包括與拍拖7年的女友分手、與未婚妻婚禮叫停、本來仕途一片光明等。有網民即回帶大師級編劇韋家輝的經典電視劇《大時代》劇情，認為兩者有異曲同功之妙。由鄭少秋飾演的大奸角丁蟹因打死人被控謀殺，他在庭上以歪理自辯，稱家中有4名兒子和年老的母親等候自己照顧，「呢件案嘅重點唔係我有冇殺人，而係——浪子回頭金不換！」惟在劇中即被法官糾正，「我提醒陪審團，呢件案嘅重點，絕對係被告有冇殺人」。
有網民不禁震驚「點解現實可以痴線過電視劇」，有撐警團體人士指七警只是錯在被鏡頭拍攝到犯案經過，又指責法官故意判重刑侮辱警隊，有網民嘲諷指以他們的理解，「呢件案嘅重點係佢地拉人行私刑嘅地方唔夠暗，同法官係洋人」。
【網民咁睇】
Bonnie Ho：警隊丁蟹化！
Issac Chu：呢單案重點唔係我地有無暗角打鑊，而係佢挑釁我地
Denise Ng：韋家輝真是神
Wallace Lo：成班警察都係丁蟹！丁蟹打完方進新仲同方進新講：「你點解要迫我出手!?你明知我出手重就唔好激我啦！」