近年好多市民關注動物權益，又鼓勵領養寵物，經民聯新界東支部噚日喺大埔林村許願廣場搞咗個「動物許願節暨動物慈善領養嘉年華」，希望促進人同寵物共融，鼓勵社會關注動物權益，經民聯主席盧偉國同一班成員主持開幕，盧偉國話希望今次活動可以支持領養動物精神；又希望日後香港可以有更多設施讓市民接觸大自然。
現場出席嘅經民聯立會議員梁美芬，都有拖住狗仔四圍走，佢話寵物可以成為家庭嘅重要成員，認為應該在社區鼓勵愛護小動物。今次活動仲設有動物許願環節、動物傳心術及訓練講座、免費動物訓練諮詢服務，由動物專家即場傳授動物訓練秘笈。