【本報訊】築成溫暖家庭，夫婦關係是關鍵要素。有女副總裁放棄百萬年薪，為了家人關係轉戰全職媽媽，由以前「公司幾百萬上落」，變成現在「家庭幾蚊上落」，但她認為一切皆值得；有沉迷賭海的父親於高峯期欠債超過30萬港元，卻因妻子而浪子回頭，戒賭重生。
香港基督少年軍舉辦「有品家庭選舉頒獎禮」，共9個家庭獲獎。當中婉儀是年薪過百萬的銀行信用卡部門副總裁，3年前毅然辭職為了陪伴3名小孩成長，放棄由外傭代替照顧一家，「錢係賺得多同時亦使得多，𠵱家唔辭職，過10年係買唔番時間，我覺得係值得」。婉儀說，親自照顧二子一女，決心不能讓子女成為港孩，「唔想令小朋友對住外傭飯來張口」，「要讓小孩知道蘋果唔係白色，而係有紅色皮」。一家五口瞬間轉由丈夫支撐，但夫婦二人為子女不言悔。
一句話令破產男戒賭
另一故事由賭博開始，由愛情完結。立偉好賭，於2003年開始沉迷賭海，高峯期更欠債逾30萬元，甚至要瞓公園，最終破產。至2008年，認識現任太太，因她一句「你再賭落去，就唔好再一齊」，立偉頓悟，希望太太給予最後一次機會，毅然戒賭，更在教會工作。太太昨說：「識佢時唔知佢沉迷賭博，知道後好唔開心，只望佢改變」，愛情及信仰徹底改變二人，最終結婚誕現年兩歲兒子。
■記者梁佩珊