夏佳理與太太夏安麗及繼女徐文玠一家，昨日於銅鑼灣出席伸手助人曲奇傳愛義賣活動，古天樂亦現身支持，在街頭義賣曲奇，引來數百人圍觀兼拍照，場面混亂。問古仔是否很久沒有逛街，場面墟冚會否感到害怕？古仔笑說：「都未試過行街，冇話驚唔驚，義賣活動，幫助有需要嘅人，我哋年輕力壯，今日我哋都有十幾個義工團隊幫手，鼓勵fans有錢出錢，有力出力。」
古仔的義工團隊每星期都會有義工活動，他會在沒有事先通知下出席，希望帶給人歡樂，他說：「好多探訪都好難忘，陪吓佢哋食嘢，派禮物已經好開心，最希望帶畀人歡樂。」問會否講笑話或唱歌？古仔鬼馬說：「笑話唔識講，唱歌唔好嘞啩，我分分鐘跳埋舞。」活動後，古仔隨即到深圳為新片《明日戰記》開工。
採訪：羅慧敏
攝影：仇志德