阿仙奴上周三歐聯16強首回合，作客以1:5被拜仁慕尼黑大炒，睇怕極大機會又喺16強出局，好多廠迷都叫領隊雲格快啲下台。阿仙奴名宿基昂話：「我為雲格覺得羞恥，教咗20年嘞，佢係時候諗吓自己嘅前途，因為實在太醜嘞！」至於前英格蘭中堅里奧費迪南話：「家陣未係雲格離隊嘅時候，但如果佢下季仲喺度教，我會好驚訝。」