李家鼎昨日在屯門蝴蝶街市向街坊示範炒斑球，提到早前楊思琦表示想和他合作，又謂喜歡飲鼎爺煲的湯，他回應：「如果有咁嘅安排我冇所謂，以前係有煲嘅。」此外，鼎爺日前接受車淑梅主持的《舊日的足跡》訪問，自爆一生最大的失敗就是離婚：「當年施明生日，有學生打畀我話想學騎馬，佢唔開心匿埋入房，我想打開門，但竟然打穿咗個窿。自此佢就唔再理睬我，後來就提出離婚。」
