【本報訊】「雀有雀鬥唱，人有人吹水」的庶民趣味，在石屎森林中就只此一家雀仔街，惟自1997年爆發禽流感，香港經歷多次大規模殺雞，就連雀仔街亦一度關閉大清洗，令不少人聞雀色變。陳樂財謂，連串風波扼殺行業生存空間：「𠵱家要用布包到實一實，尤其坐巴士地鐵，啲人見到掉頭走，搞到唔敢帶雀出街，好似做賊咁。」熱鬧的雀鳥公園自此變得冷清，不少商戶已半退休，或因無人接手，交還牌照。
對於這個一度令香港「世界聞名」的世紀病毒，財叔一直意難平。「家養雀好乾淨，唔會接觸野鳥，如果真係有事，我一早死咗啦！」又難怪財叔心中有氣，1997年搬來園圃街即爆禽流感，尚未適應新環境便得關門大吉。「嗰時好多人棄雀，好陰功」。由康樂街到園圃街，開荒牛財叔半生與雀為伴，做了61年鳥籠，他笑說已習慣這裏的氣息，飛不走了。
高峯期逾百檔口
「呢度啲人，好多都識咗40、50年，大家唔使約，喺呢度就見到」。當年，上海街奇香酒樓是雀友談雀經的大本營，吸引售賣鳥籠、雀杯和草蜢等小檔攤進駐，康樂街逐漸變成「雀仔街」，高峯期逾百檔口，百鳥爭鳴。時移世易，舊區重建，加上養雀的人日少，雀仔街亦今非昔比，財叔直言，上一代工匠離世，他應是香港最後一代做籠人，一門手藝，勢將湮滅。
■記者呂麗嬋