求驗客手記:出動摩西比軍輸波唔輸陣

求驗客手記:
出動摩西比軍輸波唔輸陣

周四歐霸盃仲有以色列球隊比亞斯華夏普爾華麗登場,佢哋喺32強首回合主場迎戰土耳其嘅比錫達斯,計埋以色列、土耳其兩國主流宗教背景,就知道有幾重火藥味。喺上季以色列聯賽贏到球會40年以嚟首個頂級聯賽冠軍嘅夏普爾,出動在場球迷一人一卡砌成《聖經》摩西帶領以色列人過紅海出埃及嘅場面壯一壯吓聲威(圖),聲勢就贏晒,只可惜場波就贏唔到,夏普爾喺一度扳平下,最終以1:3輸波,晉級形勢唔太樂觀。