求驗客手記:雲格心淡三月定去留

求驗客手記:
雲格心淡三月定去留

阿仙奴喺歐聯16強出線希望凍過水,仲傳出兵工廠內部不和。英國《每日郵報》披露,佢老人家已經心灰意冷,已經諗定到時約滿走人,結束21年阿仙奴執教生涯,不過佢喺周五記招重申要到三月或四月先會有決定,但就算今夏真係走人,都去其他球會繼續教。阿仙奴開始要諗諗下周一英足盃作客非聯賽球隊瑟頓聯場波,瑟頓聯主帥保羅杜斯維見你兵工廠近況唔掂,話唔會對雲格有半分同情,下周一會全力爭取爆出超大冷門。