鄺美雲前日在facebook貼上一張在家中要靠樓梯輪椅上落的照片，並留言是膝頭受傷，但台灣傳媒昨瘋傳鄺美雲病情嚴重。鄺美雲昨接受本報訪問，她表示數月前踏錯腳致受傷：「上個月返江西開會好凍，喺機場膝頭凍到失蹄，所以過年都冇出門。」
留在家靜養的鄺美雲，為方便起居要裝樓梯輪椅：「本來休息少咗出街，點知越嚟越嚴重，我膝頭軟骨退化去睇骨科，醫生話唔可以上樓梯，唔可以着高踭鞋同做運動，就算食止痛藥、食埋葡萄糖胺，膝頭發炎又痛，軟骨退化，要行咁多樓梯，食乜嘢藥都唔會好。」她又透露已照磁力共振，問到三隻愛犬知否她病了？她即笑言：「Cash知，成日行埋嚟錫錫，好溫柔，而Bank撲上嚟錫，唔係好識，見到我興奮好開心，會踩到我，可能佢太細嗰。」
採訪：唐如
