禮拜日（19日）沙田馬場舉行七草三泥賽事，草地用全闊A跑道作賽。
睇番最近1月22日同一移欄，八場轉彎路程賽事大利後追馬，除了「開心遊戲」擺前帶到之外，其餘頭馬如「菠蘿油」、「當家精選」、「幸運年年」、「佳龍駒」及「軍勇戰略」都係守中間或更後位置，入直路憑後勁衝贏對手，所以後上食糊嘅馬可秤先。
今戰列陣馬中，尾場三班1400米的「當家精選」上仗初出正是於1月22日田草A欄後上勝出，贏完其練者蔡約翰等番同一移欄再跑，有力再由莫雷拉保持不敗之身。
另外，第九場二班1400米的「太陽喜喜」四次角逐田A欄獲三冠一殿佳績，今仗練馬師賀賢安排曾更此駒贏出五次的柏寶作出戰騎師，憑較佳場地性能可重開勝門。
同日三場泥地均跑1200米，最近兩場同程均由「勇冠多」及「藍天堡馬」放頭入直路帶到，故此第四場三班1200米的「花月流星」及第五場四班1200米的「有禮」等擅跑泥地之前領馬可優先留意。