【紐約直擊】周麗淇（Niki）於香港時間前晚在紐約出席Tory Burch時裝騷，她表示情人節跟同在當地的好姊妹蔡卓妍（阿Sa）度過，笑言兩人都是「單身狗」。對於有雜誌爆Niki坐長途機時行為冇品，她否認：「我真係冇拎毛氈！我真係冇喺廁所洗面！我好少坐長途機，我懷疑佢哋認錯人！」
阿Sa則現身Coach 2017秋冬時裝騷，貪靚的她無懼零度低溫着背心短裙亮相，阿Sa否認早前外遊避開前夫鄭中基的紅館騷。對於Niki指她更快找到男友，阿Sa笑說：「佢眼角高，我低少少。」問可會揀外籍男？她說：「我鍾意黑頭髮，但有都唔拘。」同場的吳建豪被傳跟太太石貞善婚變，問到兩人關係？他說：「Very Good！」有否買情人節禮物送老婆？他說：「肯定會，不要談這個了。」
採訪：林嘉慈
攝影：周樂恒