達明一派那張搞嘢海報裏頭那八十個物體，的確人不似人，達明不似達明，大玩抽象兼抽水，照計無人會對號入座。但現實就是超低智，有人（今日相信已經起了底）怕跟達明行得太埋，擔心被歸類為hehe，令阿爺唔like，容乜易做建華二號，被蒙頭押走，六星級酒店保安都唔敢出聲。
香港行到這一步，有錢佬都要親赴西環，有關單位安排好狗仔隊在門口恭候，拍到闊佬與大師神握的錄像。有錢，唔再大晒，要聽張官聖旨，被大師感召過票。雖則投的是暗票，但闊佬商賈考慮到自身運程，selfie選票是必須的。西環線眼，未必睇到一派海報，但建制利益集團衰心怯，蠢人開口，反而暴露座標，習帝手下的狩獵隊輕輕「關注」一下，保證嚇爆膽。這一陣子，城中心臟科名醫好唔得閒，疑似中風的闊佬肯定排長龍。心病卻無習帝賞賜心藥醫，抓狂啊，投林鄭能當藥食？搵命博，博得過？還是泛民300+逍遙，樂觀估計，同時推曾梁胡入閘並非無機。
紛紛擾擾作嫁，春宵暖暖變卦，真真假假，悉悲歡恩怨原是詐。建制識時務者，必提名長毛，哪怕只有一票！河蟹到長毛，世界變！