空姐其實係唔少人有憧憬嘅職業，女嘅愛佢可以隨時飛嚟飛去，去旅行去買衫去乜乜乜；男嘅就愛空姐夠高夠身材夠乜乜乜。相信好可能係咁，所以有唔少藝人都鍾情於空姐，但搵到個啱嘅，而又夠專一嘅咪好好哋囉，否則……所以講到尾，都係睇本人造化。
劉松仁
現年67歲嘅劉松仁，至今仍然型英帥，想當年拍《京華春夢》嗰啲經典劇，吸引到唔少女影迷，而做得佢太太嘅當然都唔少嘢，乃係一位資深空姐，比劉松仁細20年，佢哋喺一班往加拿大嘅航班上邂逅，並於1990年代結婚。
何浩文
「鴨王」何浩文（Dominic）舊年被指趁住同劇拍檔、「十優港姐」麥明詩同林作情變之時乘虛而入，同時，又有一位空姐、有「高版糖妹」之稱嘅唐紫瓊（Candy）做「後備」，兩人未拍拖便已共遊台灣，最後Dominic喺舊年11月，於手握飯糰專門店開幕時，正式公開Candy身份。
陳宇琛（石仔）
石修囝囝陳宇琛（石仔）將會喺今年迎娶拍拖兩年嘅有線前主播林佑蔚（Camille），其實Camille自從離開主播界之後，就轉職做空姐，石仔舊年成功向Camille求婚，並打算今年擺酒，日前更孖住未婚妻幫《蘋果》接受情人節專訪放閃光彈。
羅鈞滿
曾經効力大台嘅七綫奀星羅鈞滿，憑住喺《超級巨聲》，以及同前「新聞之花」張文采拍拖而人氣略增，可惜，羅鈞滿唔識珍惜眼前人，佢喺前年被揭背住主播女友、喺尖沙嘴夜店偷嗒長髮空姐Sylvia，搞到張文采嬲爆，怒斬4年情。
李潤庭
主播出身嘅李潤庭，前年由有線過檔無綫主持《東張西望》，並喺舊年11月同空姐老婆Crystal慶祝結婚5周年，點知就喺舊年12月被周刊踢爆佢背妻偷嗒人妻Tiffany，李潤庭形象插水，成為新一代「賤男」，更要開記招公開道歉，工作被停工，佢仲話老婆選擇離婚，面臨「雙失」。