馮德倫及林德信等昨晚在中環出席LV時裝活動，提到早前舒淇傳有喜，馮德倫表示：「呢啲咁嘅謠言都好信？唔係囉，有會話畀大家聽。」講到二人有否計劃生B，他表示：「我都希望有，幾時就順其自然，我就準備好啦。」
問到日前舒淇在Ig撰文「退讓總是會有極限的」，被解讀成二人嗌交，他笑言：「我太太非常有文采，有時候睇完本書同電影都有感而發而寫，大家唔使諗太多，我冇理由阻止佢文采洋溢。」記者再問二人情人節如何度過，他指與太太在家叫外賣睇電視：「佢煮嘢好叻，佢鍾意做乜就做乜，禮物唔需刻意送。」再問到舒淇沒染髮為生B作準備，他笑言：「係咩？我仲多白頭髮，調理身體平時都有，總知順其自然好緊要。」
採訪：盧妹
攝影：沈健程