日本歌手濱崎步宣佈今年巡迴唱主題叫「Just the beginning-20- TOUR 2017」，日前佢抵達米蘭於Instagram公開當地靚相，以親民形象透過社交網跟粉絲互動。
38歲嘅步姐被指再度發育，近年其上圍無啦啦升cup，不時喺Ig上載照片順便晒驕人身材。不過，步姐嘅巨乳最近狀態飄忽，時大時細堪稱係人體變幻球。好似日前步姐一張自拍照，有網民發現佢雖然低胸上陣，可惜從鏡中倒影看來，步姐巨乳突然消失，唔知係角度抑或漏氣，同早前胸前偉大畫面真係頗大出入，有人直指步姐雙乳開始呈現八字波，平時嘅澎湃效果，只可能係加墊造成嘅錯覺。