【特首戰開打】
【本報訊】仍未推出完整政綱的特首參選人林鄭月娥，盛傳已有逾400建制選委提名，她昨日再獲包括長和副主席李澤鉅、上屆支持唐英年、後轉撐梁振英的星島集團主席何柱國等51名全國政協提名，何更大讚林鄭「用心、勤力」，對於曾俊華指提名林鄭選委，到投票時會改為支持他，林鄭表明不怕「高開低收」，相信支持她的選委，提名與投票立場會一樣。
記者：呂浩然
香港友好協進會成員均為政協，至今未見過林鄭以外其他參選人，他們昨第二度與林鄭會面，有34人出席，但未見李澤鉅出席。會後全國政協常委劉漢銓稱，包括李澤鉅在內的全部政協界別選委都會提名林鄭，他強調這是政協選委的一致意見，否認因中央屬意林鄭，但承認林鄭獲中央信任。
何柱國：一世唔信人哋政綱
有出席會面的政協常委何柱國亦明言，會提名及投票給林鄭，大讚林鄭「用心、勤力」之餘，又否認自己上屆特首選舉中押錯注，他說：「我都冇押錯注喎！」、「我冇嚇到梁振英一鋪清袋喎，仲留番好多錢畀你哋吖嘛」。對於林鄭仍未有完整政綱，就獲大批建制派提名，何柱國豪言：「我一世唔信人哋嘅政綱㗎，信個人做嘢嘅能力，同埋會點樣做」，不過他亦未有批評曾俊華，又反駁外界指曾「hea做」說法：「John Tsang（曾俊華）點會hea呢？你話佢hea呀？」
此外，何又極力否認中央和中聯辦干預今次選舉，聲稱自己「資格、地位低」，沒有與盛傳南下為林鄭拉票的人大委員長張德江見面，又稱「中聯辦？我影都未見過」，「（中聯辦）亦都冇打過電話叫我投邊個喎，呢班友失蹤咗」。
曾俊華日前在電視訪問中表示，有提名林鄭月娥的建制派選委或會在不記名的投票時投票給他，全國政協常委劉漢銓認為中國人「講口齒、講信用、講正義」，若提名一名候選人，而最終又不投票給他，「除非你有好好嘅理由改變主意，否則呢樣就等於冇誠信」，當記者再追問時，劉漢銓即嚴詞厲色表示：「我認為香港嘅所有選委都係有誠信嘅人」，又稱「冇人知道你投邊個，你自己良心知道」。
林鄭稱不怕高開低收
林鄭月娥則稱，與各界別分組選委會面已近尾聲，但未有明言何時報名參選。被問到會否出現提名票較得票多的「高開低收」情況時，林鄭肯定地稱「我聽到好多支持我嘅選委都係支持我過往嘅工作，同埋對於我個人嘅認識，甚至好多係同我多年喺工作上嘅合作夥伴，相信呢個唔係話提名同埋投票會唔同」。