36G崔碧珈經常谷胸上陣，不過最近佢收起性感，為ViuTV節目《胸X計》做主持，之前佢喺活動上已經講過呢個節目會去到好盡，昨日佢就喺Ig貼咗張相出嚟，真係俾佢嚇咗一跳。 相入面嘅崔碧珈，化咗淡妝，成頭成面都係啲類似一嚿嚿橙黃色嘅顏料，雙眼亦佈滿紅根，個樣好慘慘豬咁，同平日嘅性感女神樣，真係差得遠。 崔碧珈就貼文話：「為了真人騷都拼了命，可憐頭髮是最傷的，估計掉了過一千根吧。在廠洗了2小時，自己又洗不了......」崔碧珈仲話希望節目出街後，大家唔好俾佢個素顏樣嚇親。