皇家馬德里後衞沙治奧拉莫斯近年成日喺完場前入關鍵波。正因為咁，拉莫斯希望將自己嘅球衣號碼由𠵱家用緊嘅4號改為93號，表揚自己：「我加盟皇馬之後一直用4號，但我唔排除會喺最後一個球季轉冧巴。」至於佢隊友基斯坦奴朗拿度，照計就點都唔會讓佢個7號出嚟，C朗喺周二情人節忙裏偷閒，喺馬德里逛吓名店買禮物，應該係送畀女友洛迪古絲啩。