入耳式、頭戴式或者掛耳式耳機可能都用過，但唔知夾耳式耳機大家又有無興趣？日本新成立公司Ambie剛剛就推出一款夾耳式的有線耳機Sound Ear Cuffs，內置9mm單元，而佩戴方式同假耳環一樣，將耳機夾在耳殼之上使用。但當然這種設計都有一定優點，就是耳機本身是透過獨特聲音導管設計將聲音打入耳膜，並不需要塞着耳孔，可以聽到音樂之餘亦能夠聽得到周圍的人聲同環境聲。而且提供6色選擇的Sound Ear Cuffs耳機外殼是採用防水防汗物料製成，方便運動時佩戴。雖然話耳機本身只重5.2g非常輕身，唔知夾住耳仔聽歌會唔會舒服呢？不過暫時想試都未得，因為首批產品一早已經賣晒，要等廠方補貨。大家對剛在1月成立的Ambie應會幾陌生，其實這個名牌是由Sony Video & Sound Products同World Innovation Lab共同出資成立，所以這款夾耳式耳機觀感上都幾似Sony出品。
資料來源：Ambie
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
