求驗客手記：
奧巴美揚敗家蜜蜂飲恨

周二另一場歐聯16強首回合賽事，多蒙特同樣作客輸波。多蒙特今場波贏晒形勢，全場14次射門但中得五次，加上前鋒奧巴美揚「敗家仔」上身，幾次黃金機會都把握唔到；賓菲加全場五射一中就搞掂，由美度古喺48分鐘建功。多蒙特之後仲有12碼，但奧巴美揚射得太正被救出，冇耐之後亦被換走。教練杜曹解釋話佢除咗狀態不足之外，身體語言都顯示佢踢唔到落去。